CASTELO DE SAN DIEGO

Construido en 1630, o castelo de San Diego foi derruido en 1965 para facer o recheo do peirao para a descarga de petróleo. Construído entre 1630 e 1636, tiña unha cadea que o unía ó castelo de San Antón para protexer a cidade de ataques por mar como o do arcebispo de Burdeos en 1639. Ocupaba o espazo no que están os depósitos de Repsol, e xunto a el estaba a praia das Cañas, tamén desaparecida.

O castelo de San Diego pouco antes do seu derrube. Foto: Martí Villadefrancos

Durante a Guerra da Independencia, os franceses tomaron o castelo para disparar ás tropas de Moore que embarcaban en retirada trala Batalla de Elviña en 1809. A súa función defensiva foi a menos e no século XIX serviu como cárcere. O seu derribo era unha reclamación recurrente da clase empresarial coruñesa dende finais do século XIX, xa que nesta zona da Palloza e da Gaiteira concentrouse boa parte da expansión industrial da cidade. O seu derribo nos anos sesenta orixinou a frase: «facerlle un San Diego» para referirse ó patrimonio tirado na época na cidade como o Hotel Atlántico ou o Hotel Palace.

O castelo de San Diego dende o mirador dos Castros

CRONOLOXÍA 
· 1630-1636 Construcción do castelo de San Diego, chamado San Gaspar ata 1942
· 1639 Unha cadea entre San Diego e San Antón frea un ataque francés
· 1792 Apróbase a súa reforma
· 1809 Os franceses disparan os barcos ingleses en retirada  trala batalla de Elviña
· 1866 Acolle presos da fragata Maule da guerra de España contra Perú e Chile
· 1949 É declarado Patrimonio Nacional xunto ó resto de castelos de España
· 1965 Derrúbase o castelo de San Diego para construir o peirao petroleiro

LOCALIZACIÓN
Como chegar

Share: