A A VV OZA GAITEIRA OS CASTROS DEFENDE QUE SE MANTEÑA A FACHADA E A ESTRUTURA DO EDIFICIO MODERNISTA DA AVENIDA DE OZA

A Asociación de Veciños e Veciñas Oza Gaiteira Os Castros considera que debe manterse tanto a fachada como a estrutura do edificio modernista da Avenida de Oza e rexeita por completo a demolición ou o baleirado do inmoble. A declaración de ruína non implica a demolición do edificio modernista, que está protexido polos seus valores arquitectónicos.

A nosa asociación defende que se manteña a catalogación do edificio, que posúe o nivel de protección III, porque a declaración de ruína non supón a descatalogación do inmoble. Neste sentido, a asociación sinala que debe conservarse integramente a fachada do edificio e elementos estruturais e tipolóxicos básicos. Lembramos que os inmobles incluídos dentro da protección III son de interese xeral para a cidadanía. Por iso deben ser consolidados e rehabilitados.