Vostede está aquí
Eliminación de barreiras arquitectónicas
02/04/2013 - 23:22
Eliminación de barreiras arquitectónicas
Dende a AAVV Oza Gaiteira Os Castros , queremos denunciar unha serie de deficiencias, en materia de mobilidade e accesibilidade para persoa con mobilidade reducida.
Tal e como temos denunciado en moitas ocasións, no noso Barrio hai numerosas rúa con barreiras arquitectónicas polo que temos solicitamos ao concello e eliminación de ditas deficiencias e o cumprimento da lei de accesibilidade da comunidade Autónoma de Galiza :
A accesibilidade enténdese, segundo o artigo 3.a. de Le 8/1997 do 20 de Agosto de accesibilidade e supresión de barreiras na Comunidade Autónoma de Galicia, como "aquelas características do urbanismo, da edificación, do transporte e dos medios e sistemas de comunicación que lle permiten a calquera persoa a súa utilización e desfrute de modo autónomo, con independencia da súa condición física, psíquica ou sensorial".
No noso barrio temos exemplos claros distas barreiras :
· Na rúa Pintor Villar Chao nos números 10, 12 e 13 onde hai veciños e veciñas con problemas para poder acceder a súa vivenda pois teñen que salvar escaleiras.
· Na rúa Laureano Mediante as escaleiras que dan a rúa da Merce.
· Nas Galerías comerciais que van dende a Avenida de Oza a rúa da Merce.
· Na avenida dos Caídos a pendente e tan elevada que as persoas con mobilidade reducida teñen problemas para acceder a servizos públicos como o Centro de Saúde, a escola infantil ou Correos.
Xa nos temos dirixido ao concello para que instale elementos que permitan salvar estas barreiras, con solucións que se están a habilitar noutros barrios da cidade. Unha vez máis vemos como as persoas do noso barrio somos discriminadas pois non podemos contar con solucións urbanísticas que a outros barrios se lles están a instalar. É por iso que esiximos a eliminación das barreiras que, dende hai moito tempo, estamos a denunciar.