Vostede está aquí
Denuncia Publica
08/07/2013 - 15:00
Dende a Asociación veciñal Oza Gaiteira Os Castros témonos dirixido por escrito a Portos de Galicia para que rematen dunha vez co estado de abandono do faro de Oza e se lle dea un uso social, tal e como temos demandado dende o noso colectivo e dende a Confraría de pescadores da Coruña. Dirixímonos a eles porque figuran como titulares do faro na documentación do PXOM elaborada polo Concello.
A resposta recibida presenta un ton completamente fóra de lugar, carente do respecto que a cidadanía e os colectivos sociais deben recibir da administración. Esta entidade veciñal ten enviado escritos a multitude de entidades públicas e privadas, actuando sempre dende o respecto, o escrito que nos remitiu Portos de Galicia e totalmente inapropiado, semellan descoñecer que deben estar ao servizo da cidadanía.
Por riba a resposta está en castelán, vulnerando o noso dereito a ser atendidos na lingua propia do país. É intolerable que a administración estea en mans de persoas que non respectan a lei nin os dereitos da cidadanía, dende o noso colectivo esiximos ser atendidos en galego e co respecto que nos merecemos.