A ASOCIACION DE VECIÑOS MANDA UNHA RECLAMACIÓN A EMALCSA

EMALCSA
Rúa Dr. Enrique Hervada, 4
A Coruña.

A Asociación de Veciños Oza, Gaiteira-Os Castros, e no seu nome Margarida Santiago Urbano, como Presidenta, DENUNCIA o seguinte:

Que tendo coñecemento de que en todo o barrio hai dificultades de abastecemento de auga, debido a pouca presión existente nos dieferentes conductos, que a día de hoxe están totalmente obsoletos; habendo cada pouco roturas na devandita condución, asi como denuncias de diversas comunidades de propietarios que están a padecer o problema de desabastecemento pola pouca presión, sendo os últimos pisos principalmente os mais perxudicados.

Nalgúns casos a empresa municipal de augas, dísolle aos veciños que teñen precaridedade no abastecemento, que poñan pola súa conta unha moto-bomba para así acabar co problema. Con relación a esto:

1 – A empresa ten que solucionar os problemas do abastecemento de auga contratado por cada usuario.

2 – Os edificios que poñan moto-bombas perxudicarían a outros que non o teñen, baixandolle a presión inda mais os restantes.

Por todo o exposto ESIXIMOS URXENTEMENTE a solución a este problema, que renoven XA as conducións que están en precario, e a infraestrutura en xeral da traída de augas do noso barrio.