Apagamento xeral o día 15 contra a «abusiva» subida da luz

Os galegos e galegas e os cidadáns do Estado estamos convocados/as a secundar o vindeiro martes, 15 de febreiro, un apagamento contra a subida do recibo da luz. A factura incrementouse un 9,8% no principio do ano e un 43% nos últimos catro.
A nosa Asociación de veciños denuncian que no actual contexto de crise que vivimos, cun forte desemprego e con importantes segmentos sociais atravesando serias dificultades económicas, esta nova subida é antisocial, pois castiga sobre todo os sectores máis desfavorecidos.
Todos os veciños que queiran sumarse á iniciativa contra a subida do recibo deberán apagar as luces das súas vivendas e os equipos eléctricos ás dez da noite do próximo martes, coincidindo co Día do Consumidor.

A iniciativa non é illada posto que a Confederación Estatal de Federacións de Veciños vai levar a cabo outra acción similar.

Duración

Proponse que o apagamento dure 30 minutos para que se visibilice a resposta da cidadanía a un forte incremento do recibo da luz.

A nosa Asociación de veciños consideran abusivo o prezo que se paga nos fogares pola electricidade.