Vostede está aquí
NON A TALA DE ÁRBORES NA ZONA DA ANTIGA FABRICA DE TABACOS
A destrución de ecosistemas naturais é un grave problema que levamos moito tempo arrastrando en Galiza, sen que se tomen medidas efectivas para sancionar as condutas que o permiten. Os ecosistemas naturais, sobre todo os máis avanzados na sucesión ecolóxica, ocupan un área cada vez máis reducida e atópanse cada vez máis degradados. A nosa cidade é un bo exemplo de moitas prácticas contra a conservación do medio natural, tanto terrestre como mariño.
As administracións publicas, cando eluden a súas responsabilidades e permiten que se destrúa o medio ambiente están a roubarlle o futuro aos nosos fillos e fillas.
Dende a Asociación de veciños e veciñas Oza Gaiteira Os Castros e ante as queixas dos veciños e veciñas esiximos do concello da Coruña que cumpran coa súa obriga, que se adopten medidas correctoras e remate ca tala de árbores centenarias da zona da antiga fabrica de tabacos