Vostede está aquí
OS RESTOS DO FRANQUISMO EN GALIZA
19/01/2022 - 13:50
21 de febreiro as 19 .00 na Biblioteca do Forum Metropolitano a a presentación do libro, OS RESTOS DO FRANQUISMO EN GALIZA .
Autor :Manuel Monge
Editorial: Edicións Lailovento ISBN: 978-84-8487-473-7
Entrada de balde * ATA COMPLETAR O AFORO.
Nun primeiro inventario, este libro pon de manifesto que aínda quedan en Galiza sobre 600 símbolos franquistas en 87 concellos: rúas, retratos, placas, esculturas e todo tipo de distincións que exaltan, honran e distinguen golpistas, franquistas e criminais. Fundacións franquistas; malfeitores e servidores da ditadura son premiados con títulos nobiliarios; a familia Franco conserva propiedades que roubou e recibe todo tipo de privilexios; policías torturadores conservan as medallas e incrementan a súa pensión pola actividade criminal na ditadura franquista. Todo isto xa foi denunciado en numerosas ocasións por organizacións internacionais e comisións de dereitos humanos da propia ONU, sen que esas denuncias fosen atendidas polo goberno. A permanencia da simboloxía franquista é unha exaltación das persoas que participaron en 1936 no golpe de Estado contra a República e das que formaron parte dos gobernos da ditadura, colaboraron ou ocuparon cargos de responsabilidade nas distintas institucións do franquismo.