A asociación veciñal Oza Gaiteira Os Castros vai proxectar o documentário: Touro- O Pino a ameaza do Cobre:

2 de abril de 2018 as 19:30 no Forum Metropolitano

Longametraxe documental coa dirección e realizacion de Xosé Bocixa (autor de "As Encrobas A Ceo Aberto", "Rosa de Corcoesto"...) e coa produción de Tingalaranga Audiovisual en colaboración con Nos Tv presentan un documental que aborda en 55 minutos ( a través da voz de científicos, veciñas e veciños, alcaldes, empresari@s, o conflicto xurdido en Touro e O Pino desde que a empresa galega Cobre S Rafael coa chipriota Atalaya Mining que ten case o monopolio do negocio do cobre no estado, pretenden reabrir as vellas minas de cobre dado o seu alto prezo no mercado debido á demanda asiática.

Unha explotación moi cuestionada pois afectaría ao Camiño de Santiago, a moitas empresas de turismo, gandeiría, agricultura, así como ás augas que abastecen a comarca, existindo riscos graves para a vida das personas de zonas coma Arinteiro. O rio Ulla podería verse gravemente afectado e mesmo as zonas marisqueiras da súa desembocadura na Arousa.